Patakbo-Takbo Lang…

“Running is a thing worth doing not because of future rewards it bestows, but because of how it feeds our bodies and minds and souls in the present.” -Kevin Nelson

Kahit na anong gawin kong pag-iwas sa pagtakbo, sadyang lagi pa rin akong dinadala ng aking mga paa papunta dito. Ito’y nasubukan ko ng di ako tumakbo ng limang araw dahil na din sa pagod at puyat (due to work of course) na sinamahan pa ng ulan dahil sa napakaagang pagdating ng bagyo. Nakakatamad kasing tumakbo pag basa na ang kalsada at medyo umaambon pa di ka pa man nakakapagumpisa…

Buti na lang at may ‘treadmill’ sa work station ko kaya yun na lang muna ang aking pinagtyagaan. Noong una, di ko sya pinapansin dahil hindi ako talaga sanay na tumakbo sa treadmill. Sa panahong wala kang ibang pagpipilian, tatakbo ka kahit saan at anong paraan. Sabi nga, once a runner, always a runner.

Sa darating nga palang May 22, 2011, kung kalooban po ng Dios, baka makasali ako sa 15K Brooks Run Happy na gagawin sa The Fort. Medyo mura ang Registration Fee P600 at kaya ng budget. Mamimigay daw sila ng authentic Brooks singlet at may timing chip pa. Tamang tama dahil maganda naman ang quality ng Brooks, may running short  nga ako nito na matagal ko ng sinusuot sa mga running practices at hanggang ngayo’y nagagamit ko pa. Magkita kita po tayo doon, kaibigan.

Hectic man po ang schedule natin, dapat di natin kalimutang alagaan ang ating katawan, at isang mabisang paraan ay ang pagtakbo. Kapag nag gym ako ngayon, kinabukasan naman ay tatakbo ako. At isang beses sa isang Linggo naman ang aking mahabang pagbibisikleta…

May mga nagtatanong nga pala kung di daw ba ako napapagod? Ang lagi kong sagot ay simple lamang…”Mas nakakapagod ang walang ginagawa.”

See you at the road and remember…God loves you always.

God be Praised!